.... 3 أعياد .. بقلم الشاعر/ عمر بنحيدي

قصيدة زجلية : تلات(3) أعياد..

تلا ت عياد ف.  شهر
نهار ستة  ( 6) نوڨمبر
الحق ظهر
المغرب كولو وقف
لكتف على لكتف
حتى واحد ماتخلف
كولشي يردد ويهتف
 الصحراء مغربية
 الصحراء مغربية
 و الاستعمار تلف
 لازم يتحدف
والتاريخ ما يتحرف
والتاريخ ما يتحرف
البيعة تابتة مجدرة
لسلالة النبي  المعطرة
وبلا كترة الهدرا
كانت المسيرة الخضرا
شارك فيها الرجل واامرا
من زمان و الشرفا
 تابتين على الوفا
من جد لجد إلى النبي محمد
شجرة  ف. الأرض مجدرة
و ف. العلالي  عالية
شريفة علوية 
ديما ف. كتافي  عليها نادي
وما يحلي الكلام
إلا  بالصلاة عل. النبي الهادي  ..

    و عيد المولد هو ثاني الأعياد .
    وفيه نمجد سيد الامجاد
    سيدنا محمد عليه السلام
فرح كبير عند القلب و  اللسان
لما يوصفو  خير الانام
محمد عليه السلام
القلب فايض  محبة
 يترجى يزور الكعبة
 يتفاجا  من  الكربة
يا خاتٓم  الرسول
عليك نصلي ونقول
القرآن   عليك منزول
ََمعجزة و   نور   للعقول
ميلادك للأمم  بشري
 كتاب الله نحب نقرا
 بالصلاة عليك نبرىَ
 يا محمد    كن لي ظهر
 يوم الحساب والمحشر
 ذنوبي كل يوم تزيد تكتر
 كن شفيعي الله لي يغفر.

والفرحة الثالثة ثابتة
هي فرحة الاستقلال
عيد الأمل ف. المستقبل
عيد ملك وشعب
قالو لا، لا، لا
المغربي ما يرضى بالمدلة
لابد من الاستقلال
كفى من الاستغلال
و كولهم تجندو
كولْها ضحى باللي عندو
كيف الراجل كيف المرا
واخا عاشو معيشة القهرة
ما رضاو بالدل والحگرة
 و من علامة  النصر
الملك  ف. القمر ظهر
شوفو معجزة الشرفا
يا الله أمسيو  (Monsieur) زيد خلفة.
 وكان السجن
وكان الدم
وكانت الشهادة
وكان الاستقلال.

وكانت رايتنا ف. العلالي
ترفرف و تلالي
بفضل المخلصين للوطن
ما شي اللي يزرعو الفتن
و رايتي هويتي
لونها  دم اجدادي
دم  نقي طاهر
الله يحميك يا اللي علينا ساهر
و ما عاش ولا كان اللي يدنس
التلاتي المقدس
الله.. الوطن_ الملك.

يا خاتٓم الرسول
يا حبيب الله
يا شفيع الامة
 بجاه كل من عليك صلى
كون لبلادنا مضلة
  الله يحميها من كل علة؟
     آمييييييييببن يارب  العالمين.
 .
 عمر بنحيدي       13/11/2019