#غلطة # بقلم الشاعر/ وحيد أحمد ابراهيم

غلطه
"""""""""
كنتِ  فين يا لاءه
لما قلت آه
آه خدتنا فى سكه
خلتنا صاحبنا الآه
والآه داخله مسابقه
فازت بوجودها فى الحياه
والحياه صارت عاشقه
تسمع صوت الآه

كنت متساهل فى التعامل
اكون متسامح او مجامل
لقيت خدتنى المسائل
انى اتوه فى الحياه

كنت فاكر لما أضحى
التضحيه هتكون فى صالحى
لكن زرعت بإيدى جرحى
والهموم كانت مقايل

ملعون فى الحق ياكسوف
الطيابه خلتنى أشوف
عكس اللى كنت بتمناه
غلطتى مقولتش لاءه
وتساهلت وقولت آه

غلطه زقتنا .زقه
خلتنى عكس الاتجاه
""""""""
وحيد احمد