.. صباح الموج.. بقلم الشاعرة / سحر أبو العلا

صباح الموج بيحضن شطه بحنية
بيوشوشه حملك يا شط عليا
خليني ارتاح فى دفا حضنك شوية.
صباح الورد بتغازله قطرة ندي
بتهمسله حسنك يا ورد شاغلني
اغيب عنه و من تاني يرجعني.
صباح الحب اللى معشش
 فى قلوب الطيبين
لا الوش م الحزن كرمش
ولا غيرتهم السنين.
صباح الورد ع الرايحين و ع الجايين
رسمين ع وشوشهم ضحكة
رغم غلب السنين.
صباح الفل ع البنوتة
اللي عيونها حدوتة
خطفت قلبي بحلاوتها
و بسحر كلامها و مشيتها.
سحر ابوالعلا
#السلطانة