&ورقة وقلم وألم & بقلم الشاعر / إبراهيم الحداد

ورقه وقلم وألم

عجبى على قلم ميهزهوش مخلوق .
ولا ينحنى بحبره وعالى يبص لفوق .
لكن فى زمن الهيافه الكل بقى شغال .
يامنظمين الكلام دايما واخدنى الشوق .

ياورقه من حبر قلمى
سطرك صبح دبلان
بيأسى من دمع نازف .
متنكر ف حبر ألون .
بيجمع حروف الأنين
ويلملم ف أحزانه
يازمرة المجروحين
شاركوه ف أشجانه
قلمى طبيب الهوى
لكنه بيه أنصاب.
عليل وطالب الدوا
ومرضه زاده عذاب
يا مبتلى بالجراح
الشكوى مش هتفيد
جرح الهوى فضاح
دى حاجه مش بالأيد
أصبر على بلوتك
وأرضى بهوان الحال
ألمك صبح غنوتك
وخليلك الموال
مفيش عتاب يتقال
قلبك عليه أهو هان.
ياورقه من حبر قلمى
سطرك صبح دبلان. 

كلماتى ابراهيم الحداد