#خاتم الرسل # بقلم الشاعر/ عبد الحميد السماحي

خاتم الرسل
بقلمي
ظهر نجم النبي بالسما
باتت اليهود عليه تطل
برك الفيل بإبرهه
نزلت الطيور عليهم تشل
أمتلئت الأرض بالخضره
وتزينت بالورد والفل
علشان خاطر المصطفى
أنولد الربيع وليه دل
وتحققت رؤيا أمينه
لانت الصخره والتل
دا نوره من نور ربنا
سبحانه عز وجل
البدر لما شاف نوره
من نور حبيبي أكتحل
الأرض لما شالته
عن أمته أنسأل
أخدته الملائكه تطهره
هناك فى حضن الجبل
وحليمه السعديه بتدور
تجري بشوق  هتنهبل
الله أكبر الله أكبر
 الشيطان للأبد عنه رحل
 ومات عبدالله وأمينه
وكان يمشي لربنا يبتهل
ولا سجد فى يوم لصنم
ولا راح لعمه أبوجهل
أبوطالب وكان حنين
مفيش لحظه عنه غفل
وحطه عمه فى عنيه
أدرك أن هو الأمل
أخده عمه فى أيديه
بالتجاره علشان يشتغل
شافه راهب من النصارى
 روحه على أول جمل
بكتفه شاف ختم النبوه
وخاف لأي مكروه يفتعل
دا هو الصادق الأمين
وقبلة كل القبل
فى الغار هناك يتعبد
من ذنوب أمته يغتسل
قريش للحجر الأسود تتشاكل
قام النبي عليهم دخل
وضع الحجر بالكعبه مكانه
الكل محمد هو المثل
أهدي بشرتك ياعيسى
لإحمد خاتم الرسل
تزوج محمد من خديجه
وكان الكل منها يخجل
بعد ماشافت أمنته وصدقه
وكان ليها مشوار وأمل
بالغار نزل جبريل وضمه
أقرأ من الضمه أبتلل
الرعشه مسكت بجسده
خاف ليكون دي نهاية الأجل
راح لبيته غطيني غطيني
قم يا أيها المدثر يا أيها المزمل
قامت خديجه تجري لأبن العم
الراهب ورقه ابن نوفل
البشرى محمد نبي الأمه
ودا جبريل على خاتم الرسل
من خديجه وأبوبكر وعمر
وزيد والعمراين بالأسلام دخل
الهجره وغزوة بدر الكبرى
وفتج مكه وسقوط هبل
إسلام العالم أنسه وجنه
رحمه للعالمين تحتفل
أهدي بشرتك ياعيسى
لأحمد خاتم الرسل
بقلمي
عبدالحميدالسماحي