.. أنا كل يوم.. بقلم الشاعر/ صلاح سعد

*** أنا كل يوم ***
=============
أنا كل يوم بروح سكن
بلقا الحكاوى واسمع غناوى
عن حنينهم للوطن --
وصاحبى ساكن فى العراق
والشكاوى دي من اليمن--
اسمع بكى للولد
صوته جي من البلد
فى سوريا نار قايده
وحديد ياوطن --
وغزه عايشه فى العراء
من غير سكن --
وليبيا وخداها الدروع
والدفه تاهت م الوطن--
والجزاير دم الشهيد
رجع يكلم وحدته--
فين راح كفاحي اللى
دفعته من زمن--
والسودان بتجرى زى السيول
لما تهدم السكن--
ولبنان أرض الجمال تفاحها مر
من الفساد و العفن --
النيل بيجرى بس ياخساره على اللى
باع من غير ثمن--
وكلمة وطن راحت م القلوب
زى ما راح الوطن--
يا بلدنا قومى كفكفي كل الدموع
ورجعنا وحدة وطن ..
===================
بقلم  * ( صـــلاح الدسوقى سعد ) *

[
 ](https://www.facebook.com/photo.php?fbid=1045468999118100&set=a.155866954744980&type=3&eid=ARCZ6tEsbhEIXL28cgRh7XjQQkXLLH8Wg5bEGCUILAW4rb_LilL5pnAtIQ9s6xSuJ3oz2deMMOCiZO5h)