.. مش بَحب اتكلم كتير.. بقلم الشاعرة / فيفي الجندي

مش بحب اتكلم كتير
ولا احب اعيد وازيد
ولا احمل الناس الكثير
كل واحد عنده همه
كل واحد عايز يعيش
مش بالساهل امسك بقلمي
واكتب عني في كل ورقي
ليه دموعي تنزل يوماتي
ليه ياوجعي  غصب عني
ليه ياروحي ساكنه وهني
عايزة اسقي الورد يطرح
عايزة موج البحر يضحك
عايزة شجري كله عالي
عايزه اسمع موال اغاني
عايزه لحني يطير لفوق
يصاحب عصفور الفضا
عايزه البس طقم فضة
معاه ثياب من صفصفة
عايزه الدنيا تطبطب عليا
عايزه كل الدنيا حلوة
والالم يبعد شوية
عايزه ارسم لنفسي صورة
ايام المرح والفرفشة
عايزه اكتب كلمة شقية
عايزه اعيش عيشه هنية
ارجع تاني لايام المدرسة
عايزه شنطة تكون هدية
مليانة حب مش متعبة
.......
فيفي الجندي