.. عيش لراحتك.. بقلم الشاعر/ أحمد طلبة

عيش لراحتك
=============
بيبان عليك لما بتكدب من ملامحك

ازاي بتقسي وتبقي عايزني أصالحك

يبقي خلاص هعيش بعيد عنك لراحتي

وأنت ياريت تبعد وعيش كمان لراحتك

كل الوجع جوايا ايوه كان بسببك
تغلط وعارف إن من طيبتي هسامحك
بكفايا وياريتك تفوء من  كدبتك
أصل الحقيقة إن انا  مش حبيبتك

يبقي خلاص هعيش بعيد عنك براحتي

وأنت ياريت تبعد وعيش كمان لراحتك

=============================

أنا نفسي أعرف إيه عملت في يوم عشاني
كان إيه هتعمل لو هتبقي صحيح مكاني
يعني بصراحه بجد ايوه  تعبت منك
ومن النهارده هكون معاك حد تاني

لأني بجد شايفه إن انت غريب
هبعد بعيد عنك واسيبها للنصيب
لو كنت شايفها صارحتي بجد عيبي
جواك لواحدك بس ألف عيب

العيب بإن انت بتحب وروحك
ايوه الصراحه وهي دي أكيد حقيقتك
والعذر فيك ان اهملت طموحك
وخسرت واحده اتخيلت هي حبيبتك

يبقي خلاص هعيش بعيد عنك براحتي

وأنت ياريت تبعد وعيش كمان لراحتك
=============================
احمد طلبه