.. مش هسلم.. بقلم الشاعر / صلاح سعد

*** مش هسلم ****

===============

مش هقول -- العتمه جيه ع الطريق

مش هقول -- الموجه يوم تنقذ غريق

مش هسلم -- دارى لدوامة الحريق

يـــــــــلا قوموا واكتبوا غنوه لصديق

هاتوا المداد هاتوا الورق

قوموا ارفعوا مليون علم

هزوا المدائن بالمداد

وحدوا كل الهمم

خلوا السحاب يملأ القمم

يحيى المحافل فى الهرم

ويعيد تاريخنا اللى راح

وامسحوا كل الجراح

ازرعوا عمر الطفولة بالنعم

مش هقول -- الموجه يوم تنقذ غريق

مش هسلم -- دارى يوم لدوامة الحريق

هبني الجوامع والكنائس

هبني المصانع والمدارس

وازرع جناين

وارفع بايدي العلم

واهتف بصوتى

أرض العروبة يا وطن

======================

بقلم :- * ( صـــلاح الدسوقى سعــــــد ) *