.. موال عطر القلم.. بقلم الشاعر/ إبراهيم الحداد

موال عطر القلم .

يا نفس حبك دهب لصاحب الأنوار .
ده نوره يال العجب سيدنا النبى المختار .
أنشق ليه القمر وأسرى برحاب ربه. 
صلوا على المصطفى ده سيد الأبرار .

🌺🌹🌹🌹🌹🌹🌹🌹🌹🌹🌹🌹🌹

لو شفت مقام الحبيب نفسك تشوفه تانى .
العله هناك بتطيب ده عطره وردانى .
نوره هلال نور وبمدحه أحيانى. 
يامنورين عندنا المصطفى ندانى .

🌺🌹🌹🌹🌹🌹🌹🌹🌹🌹🌹🌹🌹

طبيب بيوصف دوا مبيشربوش عيان .
ألا سليم النيه وقلبه بالتقى عمران   .
ذكر الحبيب النبى فى كل وقت وأن .
أمشى سليم ع الدوا النور عليك هيبان.

🌺🌹🌹🌹🌹🌹🌹🌹🌹🌹🌹🌹🌹

على باب مقام النور ولد مدبوح ودمه فيه .
مدبوح بعشق الحبيب لكن الروح لسه فيه .
عليل بكى بعلته أحتاروا الأطبا فيه .
شرب قداح الشفا وحوض النبى اللى ماليه .

🌺🌹🌹🌹🌹🌹🌹🌹🌹🌹🌹🌹🌹

ناديت روحى تجيب روحى
لدى روحى ياروحى روحى
إلى أسمى مقام روحى
لا جاتنى روحى ولا جواب
من اللي سكنت عندهم روحى .
لروح مقام النبى طافت أنا روحى.

كلماتى ابراهيم الحداد .