..بعتذر.. بقلم الشاعر /صبري رسلان

بعتذر   ..        ( 88 )
........................ 
بعتذر  عن  كل   لحظه   حزنتها
بعتذر  عن   كل  دمعه   مسحتها 
بعتذر  عن  كل  فرحه   خدعتها
بعتذر  عن  فجر    راح 
ولا  حستوش  ...
كان  قلب  طيب  كان  ملاك 
ما   أستهلهووووش 
ضيعته   ليه  ...
ما  كان  في  أيدي  ما  صونتهوش
حتى  الكلام   يجيني   منه 
ما   أسمعوووش   ..
إنسان  أناني  ماهمنيش
غير   نفسي   أنا 
بعت   اللي  شاري   بالرخيص
وبأيدي   أنا  ..
حطمت  حلم  كنت  ليه
فى   عينيه   ملاك   
ونسيت   قوام   حتى   وجوده
من   سكات   ..
ما جرحش  فيا   وصدني 
وساب    مشاعري   تردني
خاف  إن   كلمه   هتأذني 
 في   هدوء    وغااااااب                 
إحساسي  خاب  ضيعني  أنا
ورماني  فى  أحضان   شوك   هنا 
ما  صحيتش   إلا   عندما   
فتحت  عيني  للسما 
أتاريني   غرقان  فى  الضنى 
وحياه  عذااااب
فاكرها   جنه  إتحولت  بركان  هلاك
وفلحظه  سابني  وصدني 
وقفل   لي   باب  ..
وقاللي  وقتك  إنتهى  خدناك  غياب
وشطبنا  إسمك  عندينا  ملهوش  حساب     
زي  ما  بعت  بعناك  ما   التلج   داب
أيه   اللي   فاضل 
عمري   راح    ورا   طيف  سراب 
لا  طولت   بستان   من   الهنا 
ألوااااان   ضباب   ..
وباقي   لي   حقي 
في الندم   والإعتذار
بعتذررررررررررررررر
بقلم  ..  صبري رسلان