.. ألف ميت مليون سلامة .. بقلم الشاعر/ أحمد سيد أحمد

ألف ميت مليون سلامة
ع اللى ساكن جوه منى
اللى سايب ميت علامة
جوه قلبى و جوه حضنى
ضحكته بتمسح دموعى
اللى ساكن بين ضلوعى
و اللى بيولع شموعى
ليل نهار انا ليه بغنى
هو أغلى الناس عليا
هو قلبى و نور عنيا
لو أطول ، أفديه بروحى
و بحياتى و باللى ليا
نفسى اكون تعبان مكانه
و هو يفرح بالحياة
اللى كله يهون عشانه
كل أفراحى ف لقاه
يا حبيبى و كل عمرى
كلى ملكك .. كلى ليك
إنت مالك كل أمرى
كل أحلامى ف إديك
ياللى حبك كان نصيبى
فرحتى تكمل معاك
نفسى تانى تعود حبيبى
قلبى يتهنى بهواك
#أحمدسيدأحمد