.. شراع البحور .. بقلم الشاعر/ سامح توكل ابو السبح

شراع البحور
=====
ياعمرى إللى باقى ياأرضى الشراقى
رسمتك خميله بتطرح زهور

يازرعى المزهر فى حضن السواقى
بيروينى دايما محبه ونور

ولوغبت عنك يزيد اشتياقى
وادور عليكى فى دنيا العطور

ولو مره منى طلبتى فراقى
بتقتلنى غربه تخلينى اثور

وارجع لنقطه فيها التلاقى
والملم جروحى غالبنى الشعور

ماهو انتى ردائى
وبدرى المنور وسرب الطيور

وإنتى نجومى تنور فضائى
وتهدينى دايما فى عتمه وزور

ولو هدو فيكى بيعلا بنائى
واعمر صحارى وأبنيكى دور

ماهو انتى نشيدى ولحنى وندائى
وشمس الكرامه وبدر البدور

ونيلى ودليلى وضيى وسمائى
ولو عشه فيكى تضاهى القصور

وانتى طبيبى علاجى ودوائى
وقوتى وزادى وكلمة مرور

تجمل سنينى وتعلن بهائى
فى كل المحافل وبيكى فحور

أنا الود راقى أنا النبع ساقى
ربوعك وأرضك لايمكن تبور

صافينى تلاقينى فارش لك ضيائى
وفارد جناحك وجندى جسور

وفى الشده تلقى عطائى ودمائى
مقدمها ليكى فى غاية السرور

أنا المصرى رافع هامتى ولوائى
مرفرف بعزة شراع البحور
=====
بقلمى سامح توكل أبوالسبح

[
 ](https://www.facebook.com/photo.php?fbid=1168588753530627&set=a.536508453405330&type=3&av=100011385407362&eav=AfYxBR82guGmp1SUpV-eNRQRDW1-P8r47Nbf3Z3u6g-vdXjBsG1sGYp5_OELhJ3FuEI&eid=ARB6ZUh37s5k4tz2Dd8DBtpASH4h_jyUOukPQM7jnXywR8HjrlevypnNuigIIz0Utk1Wmv2Ppriw36po)