.. رد الدين.. بقلم الشاعر/ أحمد محمود عوض سعيد

رد الدين....

مش معني دينك ارده
يبقي أنا وفيت
وإن حقك أخذته
وبكداإستكفيت
كأنه شيئ وانتهي
أطوي صفحته ورميت
وانسي هموم عشتها
وليالي فيها بكيت
لما حوجني العوز
وف شدتي مالقيت
لا ليا صاحب سند
ولا عون من أهل البيت
وصونت ماء الحيا
وحفظت لي قدري
وبدون ما أبدي الطلب
كنت الغنا وكفيت

مادام بدأت السبق
وغمرتني بخيرك
وكنت ليا السند
لما هرب غيرك
طوقني طبع الوفا
وأسرني لجميلك
هتعيش لأخر العمر
فوق رأسي ماحييت

أحمد محمود عوض سعيد
الرحامنه/فارسكور/دمياط