كانت فرصة بقلم الشاعر/ محمد لطفي أبو الفتوح

#كانت_فرصة ..............2019/11/8

كانت فرصة
ضيعتيها بايدك
دوقي الغصة
بطلت اعيش اراضيكِ

مفيش بينا كلام
فاشلة
كل محاولاتك فاشلة
وفري جهدك والوقت
انسي اني اسمع يلا سلام
بلا نيلة بلا علة
ده انا كنت فيكِ غرقت

بطلي تقطفيلي الورد
موش محتاج منك احسان
يا غرام كداب
عليكِ لا يمكن ارد
افتكرت خلاص ان انا انسان
وشبعت عذاب
يلا سلام
سلامي ده يادوب الرد
على غدرك
وخيانة قلبك
وبدون كلام
لو كترتي بعلنها الحرب
لو مسكتك
لقتلتك ... يلا سلام

خاينة موصوفه بقيتي
من سنين
وجه يوم الحد
يوم عمرك ما تمنيتي
ضاع الحنين
ضاع و بجد

ما بقاش سندك حد
لوحدك اتعريتي
د

وقي طعم البرد
بعد دفايا ما رميتي
عيشي حياة الشرد
اتمنيتي ولقيتي

وكاااااانت فرصة

#محمدلطفي_ابوالتوح