.. دنيا غريبة.. بقلم / هاني غريب

(  دنيا غريبه  )
كلماتي / هاني غريب

دنيا غريبه وعارفنها
بتدينا حاجات مش عايزينها
تقبلنا ف مره ونقبلها
لكن عيشانا وعايشنها

بنخاف من الدنيا واحوالها
ونعاند فيها تعاندنا
وبنبعد على قد مانقدر
يمكن تتغير احوالها

بنحاول نعيش مشاكلها
ونلون يومنا بألوانها
ونعافر فيها يمكن نقدر
نرسم في وشوشنا ابتسامتها

بتيجي علينا نطاطلها
وبتمشي معانا نصاحبها
 نصيبنا مكتوب وتقدر
عارفنها زي ما عارفين روحنا

حدوته في حياتنا بنسمعها
علطول علطول بنرددها
خليك دايما انت الأقوى
حكمه بنتمنى نحققها

بنشق البسمه على وشوشنا
وف لحظه الدمعه بتمسحها
بتجرح فينا وف قلوبنا
لكن هتعدي بأحزانها

دنيا غريبه وعارفنها
بتدينا حاجات مش عايزنها
تقبلنا ف مره و نقبلها
لكن عيشانا وعايشينها